सुर्खेत । छिन्चु–जाजरकोट सडकखण्डअन्तर्गत सल्यानको बनगाड कुपिण्डे नगरपालिका–१, बांगिरहनजिकै जीप भेरी नदीमा खसेको छ ।
प्रहरीका अनुसार, बुधबार दिउँसो लु १ ज ३०२२ नम्बरको जीप बालुवासङ्ग्रीबाट सल्लीबजारतर्फ फर्किने क्रममा सडकबाट अनियन्त्रित भई भेरी नदीमा खसेको हो ।
जीपमा कति जना सवार थिए र दुर्घटनामा मानवीय क्षति भए/नभएकोबारे प्रहरीले अनुसन्धान तथा खोजी गरिरहेको जनाएको छ । घटनास्थलतर्फ प्रहरी टोली परिचालन गरी जीप तथा यात्रुको अवस्थाबारे खोजी भइरहेको छ ।
दुर्घटनाको विस्तृत विवरण आउन बाँकी रहेको प्रहरीले जनाएको छ ।
