बीरगंज, मंसिर १३ ।बीरगंज महानगरपालिका वडा नम्बर ३ मा अवस्थित आचार्य एकेडेमीले हरेक वर्षझैँ यस वर्ष पनि शैक्षिक भ्रमण अवलोकन तथा वनभोज कार्यक्रम भव्य रूपमा सम्पन्न गरेको छ।
हिजो मिति २०८२ मंसिर १२ गते शुक्रबार आयोजित कार्यक्रममा सहभागी विद्यार्थीहरू उच्च उत्साह, उमंग र हाँसीखुसीको माहोलमा सम्पूर्ण दिन रमाइरहेका देखिन्थे।यस वर्षको शैक्षिक भ्रमण कार्यक्रमका लागि विद्यार्थीहरूलाई चितवन जिल्ला स्थित चितवन राष्ट्रिय निकुञ्ज तथा सौराहा पर्यटकीय क्षेत्र अवलोकन गराइएको थियो। प्रकृति, वन्यजन्तु तथा स्थानीय संस्कृतिबारे प्रत्यक्षरूपमा सिक्ने अवसर पाएका विद्यार्थीहरू विभिन्न आकर्षक स्थलहरू अवलोकन गर्दै महत्त्वपूर्ण जानकारी संकलन गर्न सफल भएका छन्।
कार्यक्रमका दौरान विद्यार्थीहरूले जंगल सफारी, सांस्कृतिक झलक, मनोरञ्जनात्मक क्रियाकलाप तथा स्थानीय पर्यटनस्थलहरूको सौन्दर्य नजिकैबाट अनुभव गरे। वनभोजमा गीत, नृत्य तथा समूहगत रमाइलोले वातावरण झनै उत्साहपूर्ण बनेको थियो।
विद्यालय व्यवस्थापनका अनुसार यस्ता शैक्षिक भ्रमणहरूले विद्यार्थीहरूको व्यवहारिक ज्ञान वृद्धि हुनुका साथै उनीहरूमा समूह भावना, आत्मविश्वास तथा प्रकृतिप्रतिको प्रेम थप मजबुत बन्ने अपेक्षा गरिएको छ।
आचार्य एकेडेमीलाई अभिभावक तथा स्थानीय सरोकारवाला व्यक्तिहरूले “उत्कृष्ट शिक्षा र व्यावहारिक सिकाइमा समर्पित उत्तम विद्यालय” भन्दै प्रशंसा गरेका छन्।यसरी, विद्यार्थीहरूको सिकाइलाई अझ प्रभावकारी बनाउने उद्देश्यले गरिएको शैक्षिक भ्रमण तथा वनभोज कार्यक्रम सफलतापूर्वक सम्पन्न भएको विद्यालयले जानकारी गराएको छ।
