काठमाडौं : स्थानीय बजारमा मेवाको मूल्य घटेको छ । कालीमाटी फलफूल तथा तरकारी बजार विकास समितिको तथ्यांकले मेवाको भाउ घटेको देखाएको हो । बजारमा नेपाली र भारतीय गरी दुई थरी मेवा किन्न पाइन्छ । बिहीबार नेपाली मेवाको भाउ प्रतिकिलो थोकमा औसत २० रुपैयाँ घटेको छ ।
बुधबार बजारमा नेपाली मेवा प्रतिकिलो थोकमा न्यूनतम ८० देखि अधिकतम ९० र औसत ८५ रुपैयाँमा किनबेच भएको थियो । बिहीबार भने मेवा न्यूनतम ६० देखि अधिकतम ७० र औसत ६५ रुपैयाँमा किनबेच भइरहेको छ ।
यस्तै भारतीय मेवाको भाउ भने स्थिर छ । भारतीय मेवा प्रतिकिलो थोकमा न्यूनतम ९० देखि अधिकतम १ सय १० र ओसत १ सय रुपैयाँमा किनबेच भइरहेको तथ्यांकले देखाउँछ ।
