धनगढी । सुदूरपश्चिम प्रदेशका मुख्यमन्त्री कमलबहादुर शाह र नेकपाका नेताहरुबिच बिहीबार बिहान छलफल भइरहेको छ।
मुख्यमन्त्री तथा मन्त्रिपरिषद्को कार्यालयमा जारी छलफलमा प्रदेश सरकारको समसामयिक राजनीतिक अवस्था, सरकारको आगामी रणनीति तथा अन्य विविध राजनीतिक विषयमा छलफल भइरहेको मुख्यमन्त्रीको सचिवालयले जनाएको छ।
सरकारको भविष्य, बजेट र नयाँ राजनीतिक समीकरणबारे छलफल केन्द्रित रहेको बताइएको छ। बुधबारमात्रै मुख्यमन्त्री शाहले एमालेका ४ मन्त्रीलाई बर्खास्त गरेपछि प्रदेशमा नयाँ समीकरणको चर्चा भइरहेको छ ।
